IGUMENICË-Një shtetas i huaj është vënë në pranga mbrëmjen e së hënës nga oficerët e policisë së Nëndrejtorisë të Hetimit dhe Ndjekjes Penale të Krimeve në Igumenicë, ndaj të cilit u ngrit një çështje penale për shkelje të ligjit për armëmbajtje pa leje.
Raportohet se gjatë një kontrolli nga oficerët grekë të Doganës së Mavromatit (Qafë-Botë) gjatë daljes së të huajit nga vendi, ata gjetën në posedim të tij një hark me 21 shigjeta, si dhe një thikë me gjatësi totale prej 28 centimetrash, të cilat iu konfiskuan. I arrestuari u shoqërua në Prokurorinë e Shkallës së Parë të Thesprotisë./Radar.al