Një skenë e paprecedentë dhe e pakëndshme ka tronditur qetësinë e Kupës së Botës për Klube. Gjatë ndeshjes midis PSG-së dhe Botafogo, të luajtur në stadiumin Rose Boël, ndodhën përleshje midis tifozëve të dy ekipeve.
Sipas asaj që u raportua nga dëshmitarët dhe u përhap shpejt në rrjetet sociale, tensionet e para shpërthyen midis mbështetësve të klubit brazilian dhe disa tifozëve të Amerikës Qendrore të pranishëm të veshur me fanellën e PSG-së.
Imazhet tregojnë momente tensioni, shtyrje dhe zënka, ndërsa spektatorë të tjerë përpiqen më kot të ndajnë personat e përfshirë në përleshje. Është hera e parë, që nga fillimi i garës, që ka pasur konflikte mes tifozëve. FIFA, për momentin, nuk ka lëshuar ende një deklaratë zyrtare mbi incidentin, por, sipas burimeve pranë organizatës, hetimet janë duke u zhvilluar për të identifikuar përgjegjësit dhe për të vlerësuar sanksionet ose kufizimet e mundshme në ndeshjet e ardhshme.
Një episod që prish imazhin e një turneu që deri më tani është përjetuar në një klimë festimesh të mëdha, midis entuziazmit dhe korrektësisë, dhe që ngre pikëpyetje në lidhje me menaxhimin e sigurisë në stadiume edhe në funksion të Kupës së Botës që do të mbahet pas një viti./PanoramaSport