24-vjeçarja nga Roskoveci që u mbajt peng për disa orë nga ish-i fejuari i saj, pasi ai dyshohet se vrau babanë e saj dhe plagosi rëndë nënën, po jep dëshminë në Drejtorinë Vendore të Policisë Fier, ku grupi hetimor po punon për zbardhjen e plotë të ngjarjes.
Ndërkohë, nëna e saj, 55-vjeçarja Belere Plaka, i është nënshtruar një ndërhyrjeje kirurgjikale që ka zgjatur rreth pesë orë, si pasojë e plagëve të marra nga arma e zjarrit.
Sipas burimeve spitalore, pavarësisht operacionit të gjatë, gjendja shëndetësore e 55-vjeçares mbetet kritike. Ajo vijon të trajtohet në repartin e kujdesit intensiv, ndërsa mjekët po monitorojnë nga afër ecurinë e saj.
Ndërkohë, hetimet për ngjarjen tragjike vazhdojnë, ndërsa autoritetet po mbledhin dëshmi dhe prova për të sqaruar të gjitha rrethanat e krimit.