TIRANË– Kryeministri Edi Rama paraditen e kësaj të hëne po mban një takim me deputetët e qarkut si dhe me drejtorët e Bashkisë së Kryeqytetit.
Shefi i qeverisë është ndalur gjatë tek situata që po ndodh në një zonë të mbrojtur siç është Theth ku ka nisur shkatërrrimi i dhjetëra ndërtimeve pa leje.
FJALA E RAMËS:
Sot do të bëhet një konfiskim i një kuazi pallati në Vlorë që është në shkelje të lejes së ndërtimit, ky proces synon të bashkojë dy gjëra, s’kemi asnjë minutë për të humbur.
Kemi marrë përsipër të mbyllim procesin e legalizimeve, por ta harrojë kushdo qoftë që do të legalizohet çfarëdo qoftë në shkelje të ligjit dhe pas afateve që ka ligji.
Historia ndërto nesër që të legalizosh nesër, nuk do të ecë.
E gjithë skuadra e deputetëve të jenë pranë komuniteteve dhe të janë në anën e shumicës dërrmuese të njerëzve që pengohen çdo ditë në jetën e tyre komunitare nga ata që me guxim të tepër kanë pushtuar hapësirat publike.
Tirana është zona më e nxehtë, edhe për shkak të atraksionit të madh që ka, dhe nuk ka lagje e bllok banimi që të mos ketë zaptuesin e vet./Radar.al
Shembjet e objekteve pa leje në Theth/ Rama: S’do ketë më ndërtime dhe resorte turistike