TIRANË– Ditën e sotme Rektori i Universitetit Bujqësor të Tiranë, Fatbardh Sallaku ka folur për herë të parë në lidhje me 24 masat e arrestit të lëshuar nga SPAK për zyrtarë të këtij institucioni arsimor, që dyshohet se kanë abuzuar me tendera.
Ky takim ditën e sotme në kryesinë e Kuvendit, me Kryeministrin Edi Rama dhe Ministren e Arsimit Ogerta Manastirliu është lajmëruar prej ditës së djeshme nga vetë shefi i qeverisë.
“Jam këtu në grupin e mazhorancës qeverisëse, nuk është e rastësishme mund të zgjidhja edhe konferencë shtypi, por nuk dua të shkëputet asgjë nga konteksti, mesazhi duhet të jetë i qartë. E kam detyrim për stafin, studentët, prindërit dhe për cdo partner që operon në fushën e arsimit. Dje edhe unë e kam marrë vesh nga media, kam mbledhur stafin ku kemi sqaruar situatën dhe që në krye të radhës dua të konfirmoj faktin që nuk komentojmë asnjë vendim të drejtësisë, absolutisht. Ne besojmë që do ketë një proces të ndershëm, por ajo që unë vesoj është që shumica e pedagogëve i përkasin njerëzve të ndershëm. Asnjë proces nuk e zhbën realitetin. Çdo koleg që është pjesë e masave të ndryshme që janë marrë dje, duke filluar nga dje ka filluar betejën për të pastruar veten e vet dhe uroj që cdo njeri nga ato të demonstrojë dhe faktojë me fakte që kanë vepruar me ndershmëri dhe duke zbatuar ligjin.”– u shpreh rektori Fatbardh Sallaku./Radar.al
Stafi i UBT nën hetim nga SPAK. Si dolën zbuluar para drejtësisë (DETAJE)