Detaje të reja janë zbuluar për pamjet e rënda të dhunës në Lezhë të publikuara në rrjetet sociale. Policia thotë zyrtarisht se një person ka goditur me sende të forta një person tjetër, megjithëse në pamje shfaqen disa persona duke ushtruar dhunë dhe duke goditur “viktimën”.
Personi ndaj të cilit është ushtruar dhunë ndodhet në spital për mjekim.
“Rreth orës 11:30, në qytet, shtetasi R. M. dyshohet se ka goditur me sende të forta shtetasin F. Gj., gjatë një konflikti ndërmjet tyre, për motive të dobëta. Shtetasi F. Gj. është dërguar në spital, për mjekim. Shërbimet e Policisë po kryejnë kontrolle në qytet, për kapjen e autorit të dyshuar. Grupi hetimor ndodhet në vendngjarje dhe po punon për sqarimin e rrethanave”, njoftoi policia.