Duke qenë se nesër përfundon afati për regjsitrimin e diasporës, PS ka bërë kërkesën e papritur.
Partia në fjalë mësohet se i dha dritën jeshile shtyrjes së afatit të regjistrimit në platformën PER të shtetasve shqiptarë që jetojnë jashtë vendit.
Ndërsa nga ana tjetër ata mbështesin mundësinë e marrjes së kësaj mase vetë për shtetasit që figurojnë në sistem si aplikantë të refuzuar.
Duke mbajtur parasysh se këta shtetas iu përgjigjen pozitivisht thirrjes së KQZ për regjistrim pasi ata e kanë shprehur vullnetin e qartë brenda afatit të deklaruar; janë në një numër të konsiderueshëm (42,000) si dhe kanë aktualisht një llogari të hapur në sistem dhe u është njohur e drejta e riaplikimit pavarësisht të qenit të refuzuarshtyrja me disa ditë e afatit mund tu krijojë atyre shansin e fundit për të korrigjuar mangësitë dhe konfirmuar regjistrimin.
Më tej PS thekson faktins e kjo masë shtyrjeje nuk synon që të zbatohet për aplikantë të tjerë jashtë kësaj kategorie, të cilët nuk e kanë aktualisht një llogari të hapur në sistemin PER.
“Falë angazhimit të KQZ-së por dhe forcave politike me fushatën e gjerë të informimit, vlerësojmë se ka qenë koha e mjaftueshme që çdo shtetas i interesuar të bëhej pjesë e procesit brenda datës 4 Mars. Çdo shtyrje afati për kategorinë e aplikantëve që deri më tani nuk kanë shfaqur interes do të mund të konsiderohej sërish e pamjaftueshme dhe do të rrëzonte vet logjikën e afateve në një proces të tillë. Ndërkohë, dhënia e kohës shtesë për ata aplikantë që janë të refuzuar në sistem, do ti shërbente shterrimit të të gjitha mundësive që vullneti i tyre për tu bërë pjesë e procesit të mos shkonte dëm” shkruhet në postimin e bërë nga PS.