Publikimi i dosjeve të reja mbi Jeffrey Epstein nga Departamenti Amerikan i Drejtësisë ka shkaktuar reagime të forta në botën e artit dhe showbiz-it. Dokumentet përmbajnë fotografi, email-e dhe mesazhe që lidhen me figura të njohura nga muzika dhe kinemaja.
Jay Z dhe producenti Harvey Weinstein përmenden në dëshminë e një viktime anonime, e cila deklaroi se, pasi ishte droguar dhe abuzuar seksualisht, kur rifitoi vetëdijen kishte parë dyshen në dhomë. Lajmi ka ndikuar tek imazhi publik i çiftit Jay Z – Beyoncé, të cilët munguan në ceremoninë e ndarjes së çmimeve Grammy, disa orë pas publikimit të dosjeve. Ndjekësit e tyre në rrjetet sociale u ulën me miliona brenda 24 orësh.
Emri i Leonardo DiCaprio përmendet disa herë në email-et e publikuara. Në qershor 2009, Epstein i shkroi politikanit britanik Lord Peter Mandelson duke kërkuar mbështetje nga DiCaprio për projektet e tij. Email-e të tjera përfshijnë përpjekje për të organizuar një takim mes DiCaprio-s dhe Woody Allen, pjesë e rrethit të ngushtë të Epsteinit. Sipas informacioneve nga rrethi i aktorit, DiCaprio nuk ka takuar kurrë Epsteinin dhe nuk kishte dijeni për krimet e tij.
George Clooney përmendet gjithashtu në dosje. Në janar 2010, Epstein, i dyshuar të ketë qenë në Kopenhagen, shkruante: “Tani e di që Kopenhageni ka vajza interesante…” dhe Mandelson i përgjigjej: “A mund të kem një muzë njësoj si George Clooney?”
Figura të tjera të përmendura në dokumente përfshijnë Mick Jagger, i cili shihet në një foto me Epstein dhe ish-presidentin Bill Clinton, si dhe referenca ndaj Michael Jackson dhe Kevin Spacey, të cilët tashmë janë përballur më parë me akuza të ngjashme.
Dosjet e reja mbi Epstein po shkaktojnë një tronditje të jashtëzakonshme në botën e artit dhe showbiz-it, duke përfshirë emra të njohur të muzikës dhe kinemasë që dikur konsideroheshin të pacenuar.