Vendimi i kryeministrit Edi Rama për mbylljen e Tiktok-ut nga janari i vitit të ardhshëm bëri xhiron e shumë mediave perëndimore, por në fakt jo në ato kinezet.
Edison Myrteza, gazetar shqiptar në Pekin raportoi në studion e News24 se mediat e Kinës kanë zgjedhur të mos I kushtojnë vëmendje këtij vendimi.
Myrteza na zbulon se platforma në shtetin e Kinëska emër tjetër, ndërsa TikTok-u që përdoret jashtë nuk lejohet të shkarkohet në smartphone-t brenda vendit.
I ashtuquajturi “TikTok-u kinez” është edukues, tha Myrteza, dhe përdoret më tepër për të blerë dhe reklamuar produkte, ama jo për promovimin e akteve të dhunës.
Nga ana tjetër Elton Heta, ekspert i IT, u shpreh se në Shqipëri janë 1 mln llogari aktive në TikTok, duke u bërë edhe një nga vendet që ka algoritmin më të lartë të aktivitetit në këtë rrjet social.
Edison Myrteza, gazetar nga Pekini: Mediat kineze nuk e kanë pasqyruar vendimin e kryeministrit. Janë më tepër të fokusuar te deklaratat e Trump që i kërkon gjykatës të shtyjë vendimin për mbylljen e TikTok-ut. Kina nuk ka deklaruar asgjë sa i takon këtij vendimi. Ndoshta sepse Shqipëria është një vend i vogël, me një popullsi shumë të vogël dhe i duket i parëndësishme mbyllja e TikTok-ut.
Nuk ka ndonjë ndryshim të madh mes TikTok-ut që përdoret në Kinë dhe jashtë saj. Nuk e di ku e ka parë kryeministri Edi Rama ndryshimin. Në programin e Google Play, TikTok-u nuk lejohet të shkarkohet në territorin kinez. Kërkon disa filtra siç është pasaporta dhe verifikohet. TikTok-u në Kinë është më tepër edukues, është pozitiv dhe nuk ka të bëjë me gjëra si armë, vrasje, informime për gjëra të këqija. Nëse ndodh diccka e tillë, direkt TikTok-u kinez, apo programi që përdoret këtu, merr masa direkt dhe nuk mund të kundërshtohet. TikTok-un e kam përdorur vetëm para 2 vitesh, për të blerë produkte dhe reklamuar gjëra të ndryshme.
Elton Heta, ekspert IT: Në Shqipëri janë 1 mln llogari aktive në TikTok. Përdorues janë 500-600 usera unikë që kanë llogari në TikTok. TikTok-u i Kinës ka një emër tjetër, është një program i ndarë. Është i krijuar për vendet e tjera, dhe jo për në Kinë.