LUKSEMBURG– Kryeministri Edi Rama ditën e sotme do të jetë i pranishëm në Luksemburg ku do të mbahet konferenca e katërt ndërqeveritare Shqipëri-BE.
Kujtojmë se data u vendos nga Presidenca polake e BE-së me konsensus të ambasadorëve të 27 shteteve anëtare të Unionit në Bruksel. Takimi do të shërbejë për hapjen e negociatave me Shqipërinë – për grup kapitullin 2 (Tregu i brendshëm) – duke përfshirë kapitullin 1 (Lëvizja e lirë e mallrave), kapitullin 2 (Liria e lëvizjes së punonjësve), kapitulli 3 (E drejta e themelimit dhe liria për të ofruar shërbime), kapitulli 4 (Lëvizja e lirë e kapitalit), kapitulli 6 (E drejta e kompanive), kapitulli 7 (E drejta e pronësisë intelektuale), kapitulli 8 (Politika e konkurrencës) dhe kapitulli 28 (Mbrojtja e konsumatorit dhe shëndetit).
Më 15 Tetor, me Shqipërinë u hap grup-kapitulli i parë ai për çështjet “Themelore” që përfshin reformat në drejtësi, sundimin e ligjit, të drejtat themelore si dhe funksionimin e institucioneve demokratike. Më 17 Dhjetor janë hapur diskutimet për grup-kapitullin e 6-të, atë për marrëdhëniet e jashtme, politikën e sigurisë dhe atë të mbrojtjes./Radar.al
Po kalonin trafikndarësen/ 35-vjeçarja përplas me makinë 2 këmbësoret, vd*s 72-vjeçarja
Rama me Presidentin e KE: Do mbyllim detyrimet dhe negociatat brenda 2027