VAU I DEJËS– Një ngjarje e rëndë ka ndodhur në Vaun e Dejës, ku 68-vjeçari Xhabir Hoxhaj është arrestuar pasi ka tentuar të vrasë me çifte bashkëshorten e tij dhe e ka dhunuar.
Bëhet me dije se 68-vjeçari Xhabir Hoxhaj, për motive xhelozie ka qëlluar 2 herë me armë gjahu çifte në drejtim të bashkëshortes për ta vrarë. Gjithashtu pasi e qëlloi me çifte, ai e ka dhunuar duke e goditur me grushte në fytyrë dhe e ka dëmtuar me mjet prerës, xham, në pjesën e qafës dhe shpatullës.
Policia bën me dije se 61-vjeçarja, shtetasja me iniciale Gj.H, ndodhet nën kujdesin e mjekëve jashtë rrezikut për jetën. Bazuar në njoftimin e policisë, në cilësinë e provës materiale është sekuestruar arma e gjahut çifte, dy gëzhoja dhe 17 fishekë armë gjahu.
NJOFTIM I POLICISË:
Vau i Dejës/Qëlloi me armë gjahu çifte drejt bashkëshortes, me qëllim vrasjen e saj, kapet dhe vihet në pranga 68-vjeçari.
Policia sekuestroi në cilësinë e provës materiale armën e gjahut çifte.
Shërbimet e Komisariatit të Policisë Vau i Dejës pas njoftimit të marrë se një shtetase nga Vau i Dejës po transportohej për ndihmë mjekësore drejt spitalit të Shkodrës pasi dyshohej se ishte dhunuar nga bashkëshorti, menjëherë kanë organizuar punën për sqarimin rrethanave, kapjen dhe arrestimin autorit.
Në bashkëpunim me Sektorin për Krimet e Rënda në Drejtorinë Vendore të Policisë Shkodër u bë kapja e shtetasit Xh. H., 68 vjeç, banues në fshatin Mjedë dhe arrestimi në flagrancë i tij për veprën penale “Vrasja për shkak të marrëdhënieve familjare” e mbetur në tentativë.
Nga veprimet e para hetimore dyshohet se 68-vjeçari, për motive të dobëta (xhelozie) ka qëlluar 2 herë me armë gjahu çifte në drejtim të bashkëshortes për ta vrarë dhe më pas e ka goditur me grushte në fytyrë dhe e ka dëmtuar me mjet prerës (xham) në pjesën e qafës dhe shpatullës.
61-vjeçarja shtetasja Gj.H, ndodhet nën kujdesin e mjekëve jashtë rrezikut për jetën.
Në cilësinë e provës materiale është sekuestruar arma e gjahut çifte, dy gëzhoja dhe 17 fishekë armë gjahu.
Materialet procedurale i kaluan Prokurorisë, për veprime të mëtejshme./Radar.al
Kryemadhi uron Metën në 56-vjetorin e lindjes: Dhuratën më të bukur…