Reshjet e dëborës janë rikthyer në veri të vendit, duke zbardhur pasditen e sotme disa zona malore të qarkut të Kukësit.
Fshatra si Turaj, Breki, Shishtavec, Novosej, Borje, Shkinak dhe Buzmadhe janë mbuluar nga bora pas një rënieje të ndjeshme të temperaturave, pas reshjeve të shiut. Dëbora ka përfshirë kryesisht zonat mbi 1000 metra mbi nivelin e detit.
Pavarësisht kushteve të motit, deri tani nuk raportohen vështirësi në qarkullimin rrugor apo probleme për banorët e zonës. Autoritetet lokale po vijojnë monitorimin e situatës, ndërsa parashikimet flasin për mot të paqëndrueshëm në vijim.