Gjatë tremujorit të dytë të vitit 2025, shtesa natyrore e popullsisë në Shqipëri ishte pozitive, me 48 lindje më shumë sesa vdekje. Sipas INSTAT, janë regjistruar gjithsej 4,982 lindje, 7,4% më pak se një vit më parë, dhe 4,934 vdekje, me një rënie prej 3,7%.
Vetëm katër qarqe shënuan bilanc pozitiv, me Tiranën në krye – 691 lindje më shumë se vdekje – ndërsa Korça kishte balancën më negative, me 226 vdekje më shumë.
Tirana ka numrin më të lartë të lindjeve (1,982), ndërsa Gjirokastra më të ulëtin (74). Kukësi është i vetmi qark me rritje të lindjeve (+6,5%), ndërsa Korça ka rënien më të madhe (-26%). Sa i përket vdekjeve, Kukësi ka numrin më të ulët (119) dhe Tirana më të lartin (1,291).
Berati është i vetmi qark ku vdekjet u rritën (+4,6%), ndërsa Gjirokastra pati rënien më të madhe (-19,1%).