Një konflikt i ndodhur mbrëmjen e sotme në lagjen “Isa Boletini” në Vlorë ka përfunduar me plagosjen e një personi me mjet prerës.
Sipas informacioneve paraprake, gjatë përplasjes fizike një shtetas ka mbetur i dëmtuar si pasojë e goditjes me thikë.
Menjëherë në vendngjarje kanë mbërritur forcat e policisë, të cilat i kanë dhënë ndihmën e parë të plagosurit deri në ardhjen e shërbimeve mjekësore.
Më pas, i lënduari është transportuar me urgjencë drejt Spitalit Rajonal të Vlorës, ku po merr trajtim mjekësor. Burime paraprake bëjnë me dije se ai ndodhet jashtë rrezikut për jetën.
Policia ka nisur hetimet për të zbardhur plotësisht rrethanat e ngjarjes dhe identifikimin e shkakut të konfliktit.