Partia Demokratike ka dorëzuar sot në Komisionin Qendror të Zgjedhjeve (KQZ) kërkesën zyrtare për regjistrimin në zgjedhjet e pjesshme lokale që do të mbahen më 9 nëntor.
Këto zgjedhje do të zhvillohen në pesë bashki të vendit — Mat, Vlorë, Cërrik, Berat dhe Tepelenë — ndërsa bashkia e Tiranës përjashtohet, pas vendimit të Gjykatës Kushtetuese që rrëzoi dekretin e presidentit Begaj, pas ankimimit të bërë nga kryebashkiaku Erion Veliaj për shkarkimin e tij.
Demokratët kanë përzgjedhur kandidatët e tyre për këto gara lokale si më poshtë:
Gabriel Guma – Tepelenë
Dionis Sota – Vlorë
Eduart Brahlika – Mat
Amarildo Hoxha – Cërrik
Pavlo Shkarpa – Berat