Ditën e sotme filloi numërimi i afro 53 mijë votave nga shqiptarët që kanë emigruar në Greqi.
Vendimi për të numaruar votat u mor nga kryetari i KQZ-së, Celibashi, i cili konstatoi se nuk kishte ndodnjë parregullsi me këto vota, ndryshe nga seç pretendonte PD.
Përfaqësuesi i Partisë Demokratike, Marash Logu zbuloi se nga ana e PD është urdhëruar që numëruesit të kontestojnë çdo fletë votimi.
Mirëpo nga ana e PD kërkohet që këto vota të mos kenë ndikim në rezultatin e zgjedhjeve.
“Çdo votë e ardhur nga Greqia do të kontestohet si nga numëruesit, ashtu edhe nga komisionerët tanë, duke kërkuar që të mos përfshihet në rezultatin e zgjedhjeve. Konkretisht, si numëruesit, ashtu edhe komisionerët, duhet të shënojnë në të gjitha procesverbalet tekstin si më poshtë: Ne i kontestojmë të gjitha votat e ardhura nga shteti grek dhe kërkojmë mospërfshirjen e tyre në rezultatin përfundimtar, për shkak se shpërndarja dhe marrja në dorëzim e tyre nga operatori postar nuk ka garantuar as minimumin e standardit të sigurisë së votës sa i përket marrjes dhe dorëzimit individual”-thuhet në urdhrin nga sekretari i PD-së.
LEXO EDHE:
Qëlloi me th*kë buke moshatarin. Nisin hetimet për 14-vjeçarin në Maliq
Mbeti jashtë Parlamentit/ Alimehmeti: Nuk ka fitore me të tillë. Duhet ndryshim