Ish-deputeti i Partisë Demokratike, Ervin Salianji, iu bashkua protestës së opozitës të zhvilluar këtë të hënë para Kryeministrisë. Në pamjet nga vendngjarja, ai shihet mes protestuesve, vetëm pak orë pasi mbajti një foltore në Durrës dhe pas diskutimeve që pasuan takimin e tij me demokratët më të votuar në primare dhe strukturat lokale të qytetit.
Protestës iu bashkua edhe kreu i opozitës, Sali Berisha, i cili pritet të mbajë fjalimin kryesor. Kjo tubim përkon me 8 dhjetorin, Ditën e Rinisë, ndaj fokusi i protestës është vendosur tek problematikat që prekin të rinjtë dhe sfidat me të cilat përballen sot.