Reshjet e shiut dhe borës do të spostohen intensive drejt jugut të vendit.
Meteorologia Lajda Porja tha se situata do të jetë problematike me reshje të dendura shiu në Durrës, Elbasan, Vlorë ku pritet të bjerë deri më 100 mm shi.
“Parashikohet shtim i borës në zonat veriore dhe në qarkun e Korçës. Në orët e pasdites, reshje intensive spostohen në jug, dëbora do të zbresë në zona të ulëta.
Duke nisur nga e hëna reshjet do ndalojnë por do të ketë rënie të menjëhershme të temperaturave pasi masa e ftohtë polare zbret drejt Ballkanit. Priten temperatura shumë të ulëta gjatë javës, -11 gradë në zona të caktuara në veri. Ditët më të ftohta pritet të jenë e marta, e mërkura dhe e enjtja”.