TIRANË– Këtë vit në zgjedhjet e 11 Majit në fletën e votimit do të jenë të gjithë emrat e kandidatëve, të të gjitha partive. Por ndryshe nga zgjedhjet e 2021, nuk do të indentifikohen me numra.
Sekretari për Çështjet Zgjedhore, PS, Damian Gjiknuri ka deklaruar se Partia Socialiste ka bërë ndryshimin nga zgjedhjet parlamentare tëë 4 viteve më parë, dhe në këto zgjedhje thotë se i dorëzohet Kodit.
“Kodi Zgjedhor nuk njeh më numra, numra do të kenë vetëm partitë, por jo kandidatët. Renditja do të bëhet sipas alfabetit dhe kjo është një histori e mbyllur, krahasuar me herën e fundit që dolën shumë fleta të pavlefshme.”- shprehet Damian Gjiknuri.
Ndërkohë kjo formë e zgjedhur për fletën e votimit është mbështetur edhe nga Komisioni Qendror i Zgjedhjeve.
“Varet si do ta bëjë kompozimin KQZ-ja të fletës së votimit. Mirë është që zgjedhësit ta dinë se kush janë kandidatët, dhe edhe nëse bëhet ndonjë gabim, dhe vendoset votë parapëlqyese tek lista e mbyllur që nuk duhet, prapë vota nuk del e pavlefshme sepse llogaritet si votë brenda shportës së parties.Do të jetë pak e komplikuar në Tiranë, po nuk kemi çfarë të bëjmë, ndaj ne deshëm votim elektronik në Tiranë, se kjo e zgjidhte këtë punë, por opozita nuk pranoi.”-ka thënë Gjiknuri./Radar.al