TIRANË-Kryeministri Edi Rama sot teksa po prezanton programin “Shqipëria 2030”, bëri sërish thirrje ndaj shqiptarëve për të investuar në tokën e të parëve të tyre.
Ndër të tjera Rama theksoi se u duhet vetëm një vërtetim nga Këshilli Bashkiak se janë zotërues faktik të pronës dhe mund ta blejnë për 1 euro. Shefi i qeverisë u shpreh se pas investimit do të mund të hipotekojnë pronën. Rama theksoi se 500 aplikuesit e parë do përfitojnë 0 taksë dhe 0 TVSH.
“Kemi publikuar Paketën e Maleve, çdokush që ka në zotërim një tokë dhe që e posedon si fakt, por nuk e posedon me letra, mund të kthehet nga qyteti apo jashtë shtetit në tokën e parëve, mjafton të paraqesë një vërtetim të thjeshtë nga Këshilli Bashkiak që janë zotërues faktikë, por jo pronar me letra të tokës, për të marrë një leje zhvillimi, agroturizëm, fermë, sporte malore etj. E merr lejen, e blen tokën e vet me 1 euro dhe në momentin kur ka mbaruar investim e hipotekon, është toka e tij edhe me letra falë investimit, 500 aplikuesit e parë, thirrja do të lançohet pas zgjedhjeve sepse nuk duam ta përdorim dhe të na e përdorin, madje na e quajnë krim elektoral, do të mund të përfitojnë nga kjo paketë duke paguar 0 takë dhe 0 TVSH për 10 vite, kështu që bëhuni gati, përgatituni 500 të parët zero taksë dhe TVSH, të tjerët do të kenë regjimin që kanë sot agroturizmat që është shumë i favorshëm me 5% taksë dhe 6% TVSH.”-deklaroi Rama./Radar.al
“Kamera inteligjente në çdo shkollë”/ Rama: Shoqëri publike për transportin shkollor
“Kamera inteligjente në çdo shkollë”/ Rama: Shoqëri publike për transportin shkollor