TIRANË– Ditën e sotme Kryeministri Edi Rama ka prezantuar programin elektoral të Partisë Socialiste për zgjedhjet e 11 Mjit, duke theksuar përkushtimin e qeverisë për reformën në arsimin shqiptar.
Gjatë fjalës së tij, Rama theksoi se paga e mësuesve do të arrijë në 1,250 euro deri në vitin 2030, duke nënvizuar rëndësinë e mbështetjes për edukatorët. “Sot paga e mësuesve është 950 euro, por ne synojmë ta rrisim atë.”-tha ai.
Më tej Rama tha se në mandatin e katërt do të ndërtohen 200 shkolla të reja, duke e shndërruar sistemin arsimor.
“Kur morëm detyrën, nuk kishim laboratorë. Sot kemi laboratorë inteligjentë, dhe numri i tyre do të arrijë në 1,000. S’do të kemi më asnjë fëmijë që nuk ka akses në arsim,” shtoi Rama.
Gjithashtu shefi i qeverisë bëri me dije se çdo shkollë do të jetë e pajisur me kamera inteligjente, një projekt që ka përfunduar dhe tani është në fazën e realizimit. “Do të ngrihet shoqëria publike e transportit shkollor, duke mbyllur epokën e transportit me furgonë të ndryshëm,” përfundoi Rama./Radar.al
https://radar.al/rama-se-shpejti-me-nje-anije-luftarake-te-madhe-drone-luftarake-made-in-albania/