Kozeta Garret është një nga emrat më të shquar shqiptarë në botën e teknologjisë. E lindur në Sarandë, ajo la Shqipërinë në vitin 1996 për të studiuar matematikë në Itali, dhe prej atëherë ka ndjekur një rrugëtim të jashtëzakonshëm ndërkombëtar në fushën e teknologjisë.
Sot, Kozeta mban pozicionin e drejtoreshës globale të sigurisë kibernetike në Microsoft, një nga kompanitë më të mëdha teknologjike në botë. Ajo është shembull frymëzimi për shumë vajza shqiptare dhe jo vetëm, duke dëshmuar se me vendosmëri dhe përkushtim, mund të arrihen majat në sektorin më konkurrues të kohës sonë.
Në një intervistë për Top Channel, Kozeta rrëfen se studimet e saj për matematikë dhe eksperienca në vende të ndryshme si Italia, Holanda, Gjermania, Kuvajti dhe SHBA, i kanë dhënë bazat për të ndjekur karrierën në fushën e sigurisë kibernetike. Ajo thekson se është në një proces të vazhdueshëm mësimi dhe përmirësimi, për t’u përballur me sfidat e teknologjisë dhe të mbrojtjes në botën digjitale.
Kozeta Garret është emri i dytë pas Mira Muratit, themelueses së OpenAI, që po vendos në fokus fuqinë e femrave shqiptare në revolucionin teknologjik global.