Gripi i muajit janar-shkurt të këtij viti është cilësuar si më i tmerrshmi në dekada nga ekspertët. Por së fundmi, teksa mjekët e marrin fjalës sërish, kërkojnë nga qytetarët që të mos neglizhojnë një simptimë të gripit që zgjat më shumë se tre javë. Dhe bëhet fjalë pikërisht për kollën.
Edhe pse simptomat e ftohjes, si rrjedhja e hundëve, teshtitja dhe kollitja, janë të zakonshme gjatë muajve të ftohtë, është e rëndësishme të vëzhgoni sa kohë zgjasin.
Sipas doktoreshë Shireen, një kollë e tillë mund të jetë shenjë e problemeve të ndryshme shëndetësore.
“Jetën e ke të vështirë me mua”- Këngëtari zbulon kushtet që i vuri gruas para martesës: Unë jam…
Ajo shpjegon se shkaqet e një kolle të zgjatur mund të jenë astma, refluksi acid ose infeksionet e traktit respirator, por është e rëndësishme të përjashtohen sëmundje më serioze si kanceri i mushkërive.
Kur një pacient paraqitet me një kollë që zgjat mbi tre javë, mjekët zakonisht kryejnë një ekzaminim dhe rekomandojnë një radiografi të kraharorit për të vlerësuar mushkëritë.
Shfaqi sjellje të pazakontë në aeroport, pas arrestimit 27-vjeçari humb jetën. Hetime për efektivët
Kjo është një procedurë e thjeshtë dhe e shpejtë që ndihmon në identifikimin e ndonjë problemi serioz shëndetësor.
Sipas Klinikës Mayo, një kollë që nuk largohet për disa javë ose që shoqërohet me sekrecione të gjakosura apo të ngjyrosura, mund të sinjalizojë një gjendje shëndetësore që kërkon vëmendje mjekësore.
Po ashtu, NHS rekomandon që personat që përjetojnë humbje të pashpjegueshme në peshë ose kanë sistem imunitar të dobësuar për shkak të kimioterapisë apo diabetit, duhet të konsultohen me mjekun./Radar.al