Kryeministrja e Italisë, Giorgia Meloni, ka ndarë një detaj interesant nga jeta e saj personale, duke treguar se pasioni për muzikën dhe letërsinë ka ndikuar drejtpërdrejt në mësimin e gjuhëve të huaja.
Në një deklaratë që ka bërë jehonë në rrjetet sociale, Meloni zbuloi se anglishten e përmirësoi falë dëshirës për të kuptuar tekstet e këngëve të ikonës së muzikës pop, Michael Jackson.
“E përmirësova anglishten sepse isha fanse e Michael Jackson. Doja të kuptoja se çfarë thoshin tekstet e këngëve të tij”, u shpreh ajo.
Kreu i qeverisë italiane tregoi gjithashtu se pasioni për letërsinë franceze e ndihmoi të thellonte njohuritë në gjuhën frënge.
“U përkushtova më shumë frëngjishtes sepse isha e apasionuar pas poetëve dekadentë”, tha Meloni.
Sa i përket spanjishtes, ajo shpjegoi se kjo gjuhë u bë pjesë e jetës së saj për arsye familjare.
“E flas spanjishten sepse, kur isha e vogël, babai im jetonte në Ishujt Kanarie dhe mua më duhej të përshtatesha me atë mjedis”, u shpreh kryeministrja.
Rrëfimi i Melonit është shpërndarë gjerësisht në rrjetet sociale, ku shumë përdorues kanë vlerësuar faktin që ajo tregoi se mësimi i gjuhëve mund të vijë edhe nga pasionet personale dhe përvojat e jetës, jo vetëm nga arsimi formal.
Italian PM Meloni:
— Clash Report (@clashreport) July 1, 2026
I improved my English because I was a Michael Jackson fan—I wanted to understand what the lyrics were saying.
I went further with French because I was passionate about the Decadent poets.
I spoke Spanish because, when I was little, my father lived in the… pic.twitter.com/97QwSTFEMI