Trupi Gjykues ka caktuar datën 16 shtator, në orën 10:00, për shpalljen e aktgjykimit në çështjen ndaj ish-krerëve të Ushtrisë Çlirimtare të Kosovës: Hashim Thaçi, Kadri Veseli, Rexhep Selimi dhe Jakup Krasniqi.
Katër të akuzuarit po përballen me akuza për krime lufte dhe krime kundër njerëzimit, ndërsa ndodhen në paraburgim që nga nëntori i vitit 2020.
Në vendimin për caktimin e datës së shpalljes së gjykimit, trupi gjykues ka theksuar se shtyrja është bërë për shkak të vëllimit të madh të provave dhe kompleksitetit të çështjes.
Sipas arsyetimit të gjykatës, koha për kuvendim është zgjatur në përputhje me rregulloren, për të mundësuar një vlerësim të plotë, të arsyetuar dhe të drejtë të gjithë dokumentacionit të administruar gjatë procesit.
Fillimisht, vendimi përfundimtar ishte parashikuar të jepej deri më 20 korrik, ndërsa deklaratat përmbyllëse në këtë proces janë mbajtur në shkurt të këtij viti.