Një helikopter MH-60S Seahawk i Marinës së Shteteve të Bashkuara ka kryer një ulje emergjente në ujërat e Detit Arabik, ndërsa një pjesëtar i ekuipazhit rezulton ende i zhdukur.
Ngjarja ndodhi mëngjesin e së mërkurës dhe u konfirmua nga Flota e 5-të amerikane. Helikopteri ishte i caktuar në aeroplanmbajtësen USS George H.W. Bush.
Sipas autoriteteve ushtarake, tre nga katër anëtarët e ekuipazhit janë nxjerrë nga uji dhe ndodhen në gjendje të qëndrueshme shëndetësore, ndërsa kërkimet për ushtarakun e katërt vijojnë.
On July 1 at 3:30 a.m. ET, the aircrew of an MH-60S Sea Hawk helicopter assigned to USS George H.W. Bush (CVN 77) conducted an emergency water landing in the Arabian Sea. There is no indication the emergency was caused by hostile action. Three of the helicopter’s four crew…
— U.S. Naval Forces Central Command/U.S. 5th Fleet (@US5thFleet) July 1, 2026
Flota e 5-të bëri të ditur se, sipas të dhënave paraprake, nuk ka asnjë tregues që incidenti të jetë shkaktuar nga veprime armiqësore. Shkaqet e ngjarjes mbeten ende nën hetim.
Ky është incidenti i dytë me një helikopter ushtarak amerikan në rajon brenda pak javësh. Më 9 qershor, një helikopter AH-64 Apache i Ushtrisë amerikane u rrëzua në Gjirin e Omanit. Autoritetet amerikane kanë deklaruar më herët se ekuipazhi i atij mjeti ishte shpëtuar pas ndërhyrjes së një mjeti lundrues pa pilot.