TIRANË– Ish-prokurori Arjan Ndoja ka dëshmuar këtë të enjte të 27 Qershorit në GJKKO lidhur me atentatin ndaj tij të ndodhur më 1 nëntor 2019 në mbikalimin e Shkozetit.
Ndoja u pyet nga avokati i të pandehurit Julian Meçaj se përse është këshilluar me babain e këtij të fundit.
Sa i përket kësaj ish-prokurori tha se përderi sa kishte marrë plumba dhe nuk i ishte “në borxh” jam askujt, i tha Basir Meçes se i kanë “shkuar plumba që nuk i meriton”. Ai u shpreh se mendon se po u bënin intriga. Ndoja u pyet dhe për marrjen e një letre anonime për të cilën tha se nuk kishte asnjë të dhënë, asgjë të shënuar, as procedimi.
Pjesë nga diskutimi në GJKKO:
Avokati i Julian Meçes: Pse e ke këshilluar babain e Julian Meçaj?
Ndoja: Përderisa unë kam marrë plumba dhe nuk i jam debitor askujt, i thashë Basir Meçes, shiko se na kanë ardhur plumba, nuk i meritojmë. Ia kërkova Basirit ta hiqte djalin ta çonte jashtë si mik, si prind. Unë mendoj se po na bënin intriga. Përhapja e një të gënjeshtre si e vërtetë është intriga.
Avokati: Letra anonime poshtë derës, pas ngjarjes. Dyshohet se ti si prokuror, ke ndërhyrë në një çështje ligjore.
Ndoja: Te letra që më erdhi nuk kishte asnjë të dhënë, asgjë të shënuar, as procedimi. As nuk dihet kush e solli atë letër. E mendova thirra Basirin, ia tregova se çfarë mendoja.
Meçaj: Në 2001 ke filluar punë. Të kanë ardhur disa letra anonime? Si prokuror, a ia keni dorëzuar organeve?
Ndoja: Jo.
Meçaj: Ti thua nëse do kishe borxh, do e shlyeje medoemos. Si do e ktheje?/Radar.al
Vr*sja e shoferit të tij/ Arjan Ndoj: Andi Maloku hapi derën dhe ra, duhet të ketë pasur dhimbje
“M’u duk si plastmas, pl*mbat vinin nga mbrapa”/ Dëshmon Arjan Ndoj: Vetëm 3 minuta isha koshienet