TIRANË– Janë zbardhur detaje të reja nga arrestimi i drejtuesve të policisë rrugore. Prokuroria e Posaçme SPAK ka dalë me një njoftim zyrtar në lidhje me arrestimin e drejtuesit të Policisë Rrugore të kryeqytetit, Roven Zeka dhe dy zyrtarëve të tjerë, Edison Tabaku oficer i Policisë Gjyqësore dhe Sokol Novaku Shef i Sektorit të Aksidenteve në Tiranë.
Më 18 Prill, tre zyrtarët u vendosën në pranga për korrupsion pasiv pasi pas një aksidenti të ndodhur më 16 prill, SPAK thotë se drejtori Zeka dhe dy të tjerët i kanë kërkuar 2 mijë euro një gruaje e identifikuar si Anisa Vrioni, e cila kishte bërë aksident.
Shuma e parave u sigurua nga bashkëshorti i saj Ergest Vrioni dhe u dha në mënyrë që Anisa Vrioni mos të arrestohej dhe që të mos nisnin hetimet për aksidentin. Gjatë kontrolleve të kryera për llogari të këtij procedimi janë sekuestruar 2.500.000 lekë dhe 26 mijë euro.
NJOFTIMI:
Prokuroria e Posaçme kundër Korrupsionit dhe Krimit të Organizuar ka kryer veprime hetimore në kuadër të procedimin penal nr. 91/1, të vitit 2023.
Në dinamikën e hetimeve, në datën 18 prill, me urdhër të prokurorit të posaçëm, janë ndaluar shtetasit: R.Z, shef i Komisariatit të Policisë Rrugore, S.N, shef i hetimit të aksidenteve rrugore në këtë komisariat dhe E.T, oficer i policisë gjyqësore, të dyshuar për kryerjen e veprës penale “Korrupsion pasiv i personave që ushtrojnë funksione publike”, e kryer në bashkëpunim (parashikuar nga neni 259/2 dhe 25 të Kodit Penal.)/Radar.al
“Më kujtohet kur isha lakuriq”/ Rama batuta me Majkon! Deputeti: Tani e kemi veshur ne
2 mijë euro ryshfet/ SPAK njoftim për arrestimin e zyrtarëve të policisë rrugore
Dr*gë nga SHBA/ Arrestohet 23-vjeçari! Pako u mor në postë një 19-vjeçar