KINË– Kina sërish ka tërhequr vëmendjen me punën kolosale në infrastrukturë. Mediat e huaja kanë raportuar se në provincën Guizhou të Kinës, ku 92% e territorit përbëhet nga male, një projekt infrastrukturor mbresëlënës po transformon peizazhin përgjithmonë. Autostrada e re Guizhou Luan Expressëay kalon përmes vargmalëve duke çuar në një urë gjigande, aspak e përshtatshme për ata që kanë frikë nga lartësitë.
Në vend të tuneleve të ngushta, kthesave të rrezikshme apo ngjitjeve të ngadalta, autoritetet kineze kanë zgjedhur një qasje drastike, të presin malet në mes. Puna ka përfshirë heqjen e majave, nivelimin e pengesave dhe ndërtimin e një rruge pothuajse të drejtë, që e kthen një ngjitje prej 70 minutash në një udhëtim ajror prej vetëm një minute.
Kjo autostradë kalon në një terren të vështirë për t’u përshkuar, duke çuar në një tjetër mrekulli të inxhinierisë kineze: urën e kanionit Huajiang (Huajiang Canyon Bridge).
Ura po ndërtohet dhe pritet të përfundojë në fund të vitit 2025. Kur të jetë gati, do të jetë ura më e lartë në botë, me një lartësi marramendëse prej 625 metrash mbi kanion, aq lart, sa që Kulla Eiffel do të zhdukej poshtë saj.
Me një gjatësi prej 2.889 metrash dhe gjerësi 1.420 metra, ura pezull do të mbështetet në kulla aq të larta sa edhe më të guximshmit do të ndjenin marramendje. Deri tani janë përdorur mbi 49.000 ton çelik, ndërsa ndërtimi po bëhet me vinça të kontrolluar nga GPS dhe sensorë ere.
Ura do të lidhë fshatra të largëta me qytetet kryesore, duke reduktuar ndjeshëm kohën e udhëtimit dhe duke lehtësuar aksesin në zona që dikur ishin pothuaj të paarritshme. Ndërkohë, projekti pritet të shndërrohet edhe në një atraksion turistik, me plane të ardhshme që përfshijnë korridore xhami, sporte ekstreme dhe aktivitete të tjera tërheqëse për vizitorët./Radar.al
Dua Lipa publikon mesazhin emocionues pas performancës në Sunny Hill Festival
Stresi i papunësisë pas universitetit bën që i riu të pl*gos nënën. 48-vjeçarja drejtoreshë shkolle