Ushtria izraelite ka paralajmëruar që të gjithë banorët e qytetit të Gazës të evakuohen nga jugu në Rripin qendror të Gazës.
Sipas BBC disa fletëpalosje janë lëshuar nga avioni, udhëzojnë “të gjithë në qytetin e Gazës” të largohen nga ajo që përshkruhet si “zonë e rrezikshme luftarake”.
OKB-ja është shprehur thellësisht e shqetësuar për urdhrat e evakuimit që janë dhënë.
Kjo është hera e dytë që nga fillimi i luftës që qytetit të Gazës në tërësi i kërkohet të evakuohet.
Gjatë dy javëve të fundit, forcat izraelite kanë rihyrë në disa rrethe ku ushtria beson se Hamasi dhe luftëtarët e Xhihadit Islamik Palestinez janë rigrupuar që nga fillimi i vitit.
Hamasi ka thënë se aktiviteti i ri i Izraelit në qytet po kërcënon të prishë negociatat për një armëpushim të mundshëm dhe marrëveshje për lirimin e pengjeve, e cila rifilloi më 10 korrik në Katar.
Kryeministri izraelit Benjamin Netanyahu theksoi angazhimin e Izraelit për një marrëveshje për sa kohë që “vijat e kuqe ruhen”.