TIRANË– Në një kohë që rastet e dhunës psikologjike dhe asaj fizike po bëhen gjithmonë e më të shpeshta, një gjuhë bullizuese përdoret masivisht edhe nga krerët më të lartë të partive në vend.
Lidhur me këtë temë në një intervistë të zhvilluar nga Radar.al me psikologen e njohur Anxhela Peza, është diskutuar edhe ndikimi që ka gjuha e politikanëve tek shoqëria.
Peza shprehet se ajo nuk ka pritshmëri të larta te aktorët politik në Kuvend pasi atje gjenden shumë individë dhe pa formim.
Ndër më tej shton se: “Kur dhuna është edhe në parlament gjë që ta sjellin si argument, pse jo në media dhe pse jo në ne qytetarët e thjeshtë dhe pse jo edhe tek personazhet që konsiderohen VIP-a, janë persona publik prej shumë vitesh”.
PJESË NGA INTERVISTA:
Duke qenë se jemi në periudhë zgjedhore, po shohim dhunë verbale për mendimin tuaj apo jo?
Anxhela Peza: Kur dhuna është edhe në parlament gjë që ta sjellin si argument, pse jo në media dhe pse jo në ne qytetarët e thjeshtë dhe pse jo edhe tek personazhet që konsiderohen VIP-a, janë persona publik prej shumë vitesh. Interesat politike dhe konfliktet poltike janë shumë herë më të larta sesa kjo që ne folëm për jetiken, sepse aty bëhet fjalë për pushtetin, ku egot janë shumë të fryra të njeriut. Bëhet fjalë për mbizotërimin dhe zotërimin e një fuqie që t’i mëpërpara nuk e kishe por mund ta kesh këtë gjë nëpërmjet politikës. Dhe konflikti është shumë herë më i lartë. Sa herë janë denoncuar dhe deklaruar, personat të cilët janë pjesë e parlamentit nuk janë të shkolluar, janë të pa formuar, janë persona të inkriminuar kështu që pritshmëritë e mia për të parë ndonjë gjë të madhe në parlament nuk janë shumë të larta. Pritshmëritë e mia janë nga njerëzit më të thjeshtë, pikërisht nga media që unë mendoj që është factor shumë i rëndësishëm, duke qenë se dhe unë jamë pjesë e medias prej shumë vitesh. Por është një faktor shumë i rëndësishëm për të dhënë një impakt, një model, kulturë tek qytetari.
Shpesh herë rivalët përdorin edhe gjuhë bullizimi. Sa e rrezikshme është që kjo gjuhë mund të përhapet edhe në shoqëri?
Anxhela Peza: Po është interesante se ne lobojmë për dhunën që nuk duhet të jetë, lobojmë për bullizimin që nuk duhet të ekzistojë e në të njëjtën kohë e reklamojmë këtë gjë, po ata që vendosin ligje dhe japin votat e tyre, po ata ushtrojnë nëj dhunë psikologjike emocionale, fizike tek njëri tjetri. Ndaj duke pasur këtë lloj kontradiksioni sigurisht që ka të bëjë me vetëdijen e thellë të individit dhe me atë çka individi do të paraqesë. Sot kuptohet që të përdorësh gjuhën e bullizimit dhe të përdorësh dhunën, kur e hasim si fenomen fillojmë dhe interpretojmë duke e bërë këtë gjë si normale apo dhe duke e bërë këtë gjë si e gabuar por që gjithsesi ne do e pranojmë se ishte si pasojë e një situate të caktuar. Këtu jemi për moemtin dhe nuk duhet të jemi në mënyrë katergorike këtu, “Dhuna ska asnjë lloj justifikimi qoftë nëpërmjet gjuhës apo fizikut.”/Përgatitur nga Radar.al
Jozi goditi Gjestin, psikologia: Kur dikush prek limitet, forma e reagimit është individuale
Gjuha bullizuese Rama-Berisha-Basha në zgjedhje, flet psikologia Anxhela Peza