Pika e kalimit kufitar të Kapshticës në Korçë po përballet me një fluks të shtuar të mjeteve që vijnë nga Greqia drejt Shqipërisë, ku dhjetëra automjete kanë krijuar radhë pritjeje në doganë.
Sipas autoriteteve shqiptare, në hyrje po operohen 4 sportele, ndërsa në dalje janë aktivë 2 sportele, dhe për të përshpejtuar kalimin e qytetarëve po zbatohet një procedurë e përshpejtuar. Nga ana tjetër, pala greke ka hapur 4 sportele në dalje, por numri i madh i emigrantëve shqiptarë që kthehen për pushime ka shkaktuar fluks dhe pritje në doganën greke.
Situata pritet të qëndrojë e ngarkuar gjatë ditëve në vazhdim për shkak të valës së kthimit të pushuesve në vend.
Radar.al