Drejtuesi politik i Kavajës, demokrati Fisnik Qosja ka befasuar me lëvizjen e tij të fundit.
Nuk vonoi shumë nga momenti i ftesës së bërë nga Rama dhe ditën e sotme ai mori pjesë në një takim me turoperatorët në Vlorë.
Kryeministrit nuk i shpëtoi prezenca e tij në takim e për një moment komentoi situatën me nuanca ironie: Qosja është turbulluar nga primaret.
“Kavaja, kemi patur ca problem me primaret aty. Është kryebashkiaku këtu, e përshëndes. E shoh që je turbulluar nga primaret. Po po, me dy gishta sigurisht. Por themi ta bëjmë edhe Kavajën pjesë të këtij zhvillimi”, tha Rama.
Vetëm pak javë para zgjedhjeve të 11 majit, Berisha po merr mesazhin e qartë nga bastioni i djathtë.
Kavaja, Bashkia e së cilës drejtohet nga demokratët, mesa duket në zgjedhjet e 11 majit s’do të kenë përfaqësues të tyre për ta votuar.
Kjo mendohet të jetë hera e parë që Qosja braktis rreshtin e Berishës dhe del në krahun e Ramës.