Dita e sotme surprizoi “2 rivalët” kryesorë të politikës shqiptare.
Kryeministri i vendit u surprizua nga vlonjatët me një buf, ndërsa kryedemokrati Sali Berisha mori një dorezë boksi dhe shishe shampanje.
Ditën e sotme Berisha u mirëprit në një takim në qytetin e Napolit nga Kryetari i Komunës, Antonio Trombetta, Nënkryetari Pasquale Salzillo, Këshilltari Domenico Moriello në biznesin e afaristit shqiptar, Kujtim Potja.
Gjatë këtij takimi, Berisha komentoi më tej dhe situatën e emigracionit në Shqipëri.
Gjatë fjalës së tij ai e vuri theksin në periudhën 2014-2022, ku ai pretendon se janë larguar rreth 1.9 milionë shqiptarë, ose 45% e popullsisë.
Më tej Berisha u shpreh se PD është e vendosur të sjellë ndryshime të thella në sistemin politik të Shqipërisë dhe të krijojë kushte më të mira për qytetarët, duke luftuar për një të ardhme më të ndritur për Shqipërinë dhe shqiptarët.
Në shenjë simbolike të këtij takimi, Kujtim Potja, afaristi shqiptar, i dhuroi Kryetarit të PD, Sali Berisha dorezën e kampionit botëror të boksit me mbishkrimin e tij.
Dorezën e boksit Potja ia shoqëroi Berishës edhe një shampanjë me premtimin se do ta hapë në fitoren e 11 majit.