Një ngjarje tragjike ka tronditur Perunë, ku dhjetë persona, mes tyre pesë fëmijë, kanë humbur jetën si pasojë e një zjarri të fuqishëm që përfshiu një banesë në kryeqytetin Lima.
Sipas autoriteteve, zjarri shpërtheu rreth orës 03:00 të mëngjesit, sipas kohës lokale, në lagjen La Victoria. Flakët u përhapën me shpejtësi dhe shkatërruan plotësisht dy banesa, duke mos u dhënë mundësi banorëve të dilnin në kohë.
Mes viktimave janë nëntë anëtarë të familjes Vilches, përfshirë pesë fëmijë të moshës nga 3 deri në 15 vjeç. Viktima e dhjetë ishte një person tjetër që ndodhej në zonë në momentin kur shpërtheu zjarri.
Ekipet e zjarrfikësve dhe shërbimet e emergjencës mbërritën në vendngjarje dhe punuan për disa orë për të vënë nën kontroll flakët, por banesat u shkatërruan plotësisht.
Autoritetet peruane kanë nisur hetimet për zbardhjen e shkaqeve të tragjedisë. Hetuesit po shqyrtojnë të gjitha pistat e mundshme dhe deri më tani nuk është përcaktuar nëse zjarri ishte aksidental apo rezultat i një akti të qëllimshëm.