TIRANË– Dasma “përrallore” në Romë e moderatores bukuroshe, Cindy Marina me Genar Topallin, djalin e ish-kryeparlamentares Jozefina Topalli, është bërë kryefjala e mediave shqiptare këto ditë.
Ceremonia madhështore me luks dhe të ftuar VIP bëri shumë bujë në rrjetet sociale, ku nuk ka pasur vetëm urime dhe komente pozitive por edhe negative.
Mbi të gjitha vëmendjen e ka mërrë moderatorja e sportit Eva Murati, ish-partnerja e Genar Topallit, e cila u përfshi në një debat të zjarrtë pas një videoje të saj që u bë virale në TikTok.
“Pra, po përpiqesh të na thuash që nuk e doje atë dasmë përrallore dhe një djalë të pashëm e të pasur. Gjithsesi kjo nuk është më pak në botën time.”-shkruante një prej komentuesve.
“Nuk dua që milionë shqiptarë të më dëshirojnë të vdekur sepse po mburrem me para që mund të jenë të vjedhura nga fondet publike. E di që më ndjek çdo ditë, por ta bësh këtë një ditë pas dasmës tënde është më shumë se patetike.”-iu përgjigj moderatorja.
Menjëherë pas kësaj, ka ardhur një deklaratë tjetër e Eva Muratit, ekskluzivisht për “Live From Tirana.”
Në mesazhin e saj drejtuar moderatorit Ronaldo Sharka, Eva shkruan: Besoj se shumë njerëzve iu ka ardhur si bombë pasi nuk është në natyrën time të shkruaj kështu apo të merrem me deklarata të tilla. Më vjen keq për gjithë këtë sepse rashë totalisht në kurth. Ishte një përgjigje e kthyer pas provokimeve të njëpasnjëshme në anglisht nga e njëjta adresë dhe për t’ia mbyllur gojën u krijua kjo situatë e pakëndshme. E them me bindje kurth, sepse gazetat e morën në mënyrë të njëpasnjëshme komentin gjë që nuk kishte ndodhur më parë. Fatkeqësisht dhe padashur, u bëra pjesë e një telenovele që realisht nuk dua të jem pjesë. Jetë të lumtur për të gjithë!/Radar.al