Detaje të reja kanë dalë në pah në lidhje me vrasjen e ndodhur në Ndroq.
Nga hetimet e bëra rezulton se afro 20 persona, dëshmitarë ose njerëz që mund të kenë dijeni për rrethanat që sollën vrasjen e Alfred Dedjas apo vendodhjen e Julian Gjoshit, janë marrë në pyetje nga Policia e Shtetit.
Në pyetje është marrë dhe personbi që në momentin tragjik ndodhej në të njëjtën tavolinë me Gjoshin, i cili dhe shpjegoi dinamikën e ngjarjes.
Personi në fjalë, identiteti i të cilit ende nuk I është zbuluar, ka treguar se nuk ka asnjë dijeni për konfliktet mes tyre që çuan deri në vrasjen e 50-vjeçarit.
Edhe familjarë të autorit dhe viktimës mohuan të kenë dijeni në lidhje me konflikte mes tyre.
Ju kujtojmë se ngjarja ndodhi një ditë më parë në Ndroq.
50-vjeçari Dedja ishte ulur në një lokal në zonën e Ndroqit, ku dhe banonte, në momentin që Julian Gjoshi u fut brenda. Dedja u ngrit që ta përqafonte, por Gjoshi e qëlloi me armë zjarri duke i marrë jetën.
LEXO EDHE:
Vrau me armë zjarri Alfred Dedjan në Ndroq, autori Julian Gjoshi kunat i Altin Hajrit. DETAJET