Një ngjarje e rëndë ka ndodhur pasditen e sotme në vendin e quajtur “Stom Golem”, ku një aksident tragjik i mori jetën një 16-vjeçari.
Burimet paraprake bëjnë me dije se i mituri në fjalë po udhëtonte me motor së bashku me një 14-vjeçar ku papritmas ka humbur kontrollin e motomjetit dhe ka dalë nga rruga.
Nga ky aksident i plagosur rëndë mbeti dhe pasgjeri i cili mësohet se ndodhet në gjendje të rëndë shëndetësore.
Shkodër/Informacion paraprak
Rreth orës 18:20, në vendin e quajtur “Stom Golem”, dyshohet se një i mitur 16-vjeçar, duke drejtuar një motomjet, ka humbur kontrollin mbi drejtimin e motomjetit dhe për pasojë motomjeti ka dalë nga rruga, ku 16 vjeçari ka humbur jetën në vendin e ngjarjes.
Në motomjet dyshohet se udhëtonte dhe një i mitur 14-vjeçar i cili u dërgua në spital në gjëndje të rëndë shëndetësore.
Grupi hetimor nën drejtimin e Prokurorisë po punon për sqarimin e rrethanave dhe shkakut të aksidentit.