Dy anëtarë të stafit në hotelin në Buenos Aires ku humbi jetën Liam Payne po hetohen nën akuzën se kanë furnizuar me droga të forta këngëtarin në ditët para tragjedisë.
Ata dyshohet se kanë dërguar lëndë narkotike të ndryshme në suitën e këngëtarit në hotelin Boutique CasaSur.
Një pastrues dhe një anëtar tjetër i stafit thuhet se kanë fshehur drogën në kutinë e sapunit Dove, të cilën detektivët e gjetën në dhomën e 31-vjeçarit pas vdekjes së tij.
Kush u përfshi tjetër? Personi në dhomën përballë Liam Payne tregon se dëgjoi …
Pluhur i bardhë, kristal, tableta dhe pajisje të tjera u gjetën në suitën e katit të tretë. Policia i ka dërguar kimikatet, që dyshohet se janë kokainë, për analiza.
“Ishin dy djem në hotel që i jepnin Liam drogë”, ka zbuluar një mik i ngushtë i këngëtarit.
Ndërsa shtoi: “Ata dërguan taksi që të merrnin drogë. Një nga djemtë punonte në departamentin e pastrimit. Pasi Liam vdiq, u vu re se një taksi ishte dërguar në adresën e shtëpisë së pastruesit. Menaxheri i hotelit e pyeti pse taksia kishte shkuar në shtëpinë e tij dhe kur ai nuk mundi të jepte një shpjegim u pushua nga puna. Pastruesi dhe një anëtar tjetër i stafit janë marrë në pyetje nga policia. Liam po bënte gjithçka për të konsumuar drogë e alkool, por sapo mbërriti në hotel këta njerëz ia ofruan.”
LEXO EDHE
Thyen heshtjen e dashura e Liam Payne, flet për herë të parë pas vdekjes tragjike të këngëtarit
Pse e dashura e Liam u largua nga hoteli disa orë para vdekjes tragjike të këngëtarit?