Në kuadër të përgatitjeve për zgjedhjet e 11 majit, materialet zgjedhore kanë mbërritur sot në Durrës, të transportuara me mjetet e Forcave të Armatosura dhe të shoqëruara nga një eskortë policore, në kushte të larta sigurie.
Materialet do të shpërndahen në shtatë Komisione Zonale të Administrimit Zgjedhor (KZAZ) të ngritura në qytet, ku do të ruhen deri në ditën e votimit. Procesi synon të garantojë një zhvillim të rregullt dhe transparent të zgjedhjeve në të gjithë qarkun.
Qarku i Durrësit përfshin 377,020 zgjedhës të regjistruar, ndër ta 25,037 janë emigrantë me të drejtë vote. Shumica e votuesve janë të përqendruar në qytetin e Durrësit (272,888), ndërsa Kruja numëron 66,140 votues dhe Shijaku 37,992.