Përgjatë një interviste për mediat ruse, ambasadori i ri i Rusisë në Tiranë, Alexey Anatolyevich Zaitse u shpreh se marrëdhëniet dypalëshe Moskë-Tiranë janë në nivelin e tyre më të ulët.
Përgjatë fjalës së tij ambasada ka dijeni për raste ku shtetasve rusë në Shqipëri iu refuzuan shërbimet bankare për shkak të kombësisë.
“Ndryshe nga shumë vende të tjera europiane, rusofobia e përditshme nuk është aq e theksuar në Shqipëri, megjithëse ambasada ka dijeni për raste kur shtetasve rusë u janë refuzuar shërbime bankare dhe shërbime të tjera këtu vetëm për shkak të kombësisë. Ne do të vazhdojmë t’i përgjigjemi siç duhet manifestimeve të diskriminimit ndaj qytetarëve rusë”, u shpreh ambasadori.
Diplomati rus thekson se hapja e bazës së re të NATO-s në Kuçovë do të çojë në një “intensifikim të mëtejshëm të tensionit ushtarako-politik në Evropë” dhe “në një rritje të pakontrollueshme të rreziqeve të sigurisë”.
“Do të doja të theksoja veçanërisht ndërtimin e vazhdueshëm të infrastrukturës së NATO-s në rajon dhe në Shqipëri. Në këtë vazhdë është hapja në mars të këtij viti në qytetin e Kuçovës e bazës së parë ajrore taktike e NATO-s në Ballkanin Perëndimor, modernizimi i planifikuar i Portit të Durrësit, përfshirë për nevojat e Forcave të Përbashkëta Detare të NATO-s, pjesëmarrja e Tiranës zyrtare në projektin pan-evropian të transportit “Korridori 8” drejt Bullgarisë, i cili mund të përdoret për qëllime ushtarake. E gjithë kjo çon vetëm në një intensifikimin e mëtejshëm të tensionit tashmë të paprecedentë ushtarako-politik në Evropë dhe një rritje të pakontrollueshme të rreziqeve të sigurisë” shtoi më tej Zaitse.
Ndër të tjera diplomati rus e konsideroi Ballkanin Perëndimor si një shembull i ambicieve neokoloniale të Shteteve të Bashkuara dhe BE-së.