Kryeministri Edi Rama ndodhet në Berlin për të marrë pjesë në Global Dialogue (BGD), forumin ndërkombëtar të nivelit të lartë që organizohet çdo vit në kryeqytetin gjerman.
Ky forum fokusohet në sfidat globale të ekonomisë, klimës, teknologjisë dhe qeverisjes. Rama është i ftuar si njëri nga dy folësit e sesionit përmbyllës, së bashku me presidenten e Komisionit Evropian, Ursula von der Leyen.
Në rrjetet sociale, kryeministri ndau foto nga pritja në Berlin, duke theksuar rëndësinë e diskutimeve mbi të ardhmen e ekonomisë globale dhe rolin e udhëheqësve në adresimin e sfidave globale.
Dialogu Global i Berlinit mbledh liderë nga politika, biznesi dhe akademia, me qëllim të formësimit të politikave që ndikojnë ekonominë globale në shekullin e njëzet e një.
