Detajet/ E reja telefonoi një familjar para se të tentonte të hidhej nga ura me katër fëmijët e mitur

27-vjeçarja nga Shkodra që tentoi të hidhej nga Ura e Bunës në lum së bashku me katër fëmijët e saj të mitur dyshohet se ka lajmëruar dikë para.

Ajo është nisur drejt urës së bashku me fëmijët e saj dhe përpara se të hidhej 27-vjeçarja ka telefonuar një nga familjarët e saj për t’i dhënë lamtumirën.

Kjo e fundit ka lajmëruar menjëherë policinë, ku fatmirësisht patrulla ka qenë  shumë afër dhe ka ndërhyrë menjëherë duke e ndaluar.

Ajo ishte ndarë nga bashkëshorti prej pak kohësh dhe jetonte te prindërit së bashku me fëmijët 7, 5, 3 dhe 1 vjeç. Në muajt e fundit 27-vjeçarja ka shfaqur një gjendje shumë të rënduar psikologjike.

Ata u shoqëruan në ambientet e Komisariatit të Policisë Shkodër.