Në intervistën e dhënë për “Top Channel” në çeljen e fushatës elektorale, kryesocialisti Edi Rama komentoi më tej mbi etiketimin e bërë ndaj Berishës si dhe replikat mes tij dhe Bashës.
Pasi u pyet se pse e quan Berishën “buf”, kryesocialisti shpjegoi se referuar kohës kur PD ka qenë në qeverisje, sipas tij, ata ishin zhytur në një kënetë që ishte ne funskionin e bufit të tyre.
Ndërsa në lidhje me Lulzim Bashën, Rama i qëndron mendimit që ai nuk korr dot fitore.
Pjesë nga intervista:
Muhamed Veliu: Ju e keni etiketuar që në nisje të fushatës Berishën si buf, pse nuk e keni përmendur nongrata nga SHBA dhe Britania dhe pse keni zgjedhur Bashën që të dialogoni në distancë me stilin tuaj?
Rama: Nuk e kam etiketuar, e kam konstatuar, ajo që ka mbetur nga PD e kohës kur PD në ’92 ishte në kohën dhe vendin e duhur për të marrë një besim, është një kënetë ku janë grumbulluar mbetjet e historisë politike shqiptare dhe ku dihet se cila është shtysa dhe objektivi i gjithë asaj grumbullate, që është në funksion të një hallexhiu të madh, bufit. Luli është një fenomen më vete i kësaj fushate dhe ju e dini që çdo fushatë ka dhe elementët e vet shumë serioze dhe ato humoristik, sepse politika nuk mund të jetë vetëm një luftë me vetulla të ngrysura ku njerëzit duhet të qeshin.
Muhamed Veliu: A do të fitoj një mandat Basha?
Rama: Nuk më duket se i ka forcat për ta bërë një gjë të tillë sepse dhe mënyra si e ka impostuar fushatën nuk lë shumë për të shpresuar.