KORÇË– Ka folur vëllai i Selam Hykës, 41-vjeçarit i cili u arrestua si i dyshuar se ka kryer marrëdhënie seksuale me dhunë me një vajzë 16-vjeçare në fshatin Leminot në Maliq të Korçës. Sipas tij policia duhet ta arrestojë vajzën dhe jo Selamin që ka abuzuar seksualisht me një të mitur.
Ai ka deklaruar para gazetarëve se nuk e mohon që i vëllai të ketë kryer marrëdhënie seksuale me 16-vjeçaren, por kërkoi dhe arrestimin e të miturës.
Sipas tij vajza i shkruante gjithë fshatit, ku i ofronte marrëdhënie seksuale kundrejt një pagesë prej 30 mijë lekësh.
“Vëllai u arrestua para dy ditësh. Janë dy budallaçka nga Leminoti, erdhën na takuan, më shante, o budalla. I kërkova ta mbyllini gojën e të largoheshin. Policinë e ka lajmëruar një djalë. Kushedi ndonjë dashnor i saj. Erdhi policia. Nuk e di a ka bërë vëllai marrëdhënie seksuale me vajzën, por kjo vajza i shkruan gjithë fshatit. Bën foto dhe u thotë “Hajdeni për 30 mijë lek”, u thotë djemve dhe i gënjen. Erdhi policia, e morën vëllain. Nuk kam folur me vëllain. Nuk e di a ka kryer a jo. Ajo është budallaçkë, ajo thotë do t’iu arrestojë të gjithë. Mos i lini rrugëve, futeni në burg. Mos më sillni probleme. Kërkoj drejtësi. Nesër del dikush tjetër dhe më fut mua. Ta futin dhe vajzën në burg. Ka e per budallenj burg. Nuk e di çfarë mund të ketë bërë vëllai, unë edhe djalin nuk e kontrolloj dot. Por ta marrin vajzën e ta arrestojnë. Ajo del e akuzon edhe mua nesër, ajo me ofendonte edhe mua.”- tha ai.
Ngjarja është njoftuar sot nga Policia e Korçës, ku dy personat, tutori Marsel Baçi 26 vjeç dhe klienti, Selam Hyka 41 vjeç, banues në fshatin Leminot, Maliq. Të dy janë arrestuar për veprën penale “Marrëdhënia seksuale me dhunë me të mitur të moshës 14-18 vjeç”. Ndërkohë ka qenë 16-vjeçarja e cila ka kallëzuar se në muajin qershor të vitit 2024, ky shtetas ka kryer marrëdhënie seksuale me dhunë me të dhe i ka dhënë para. Lidhur me rastin ka folur nëna e të miturës e cila është shprehur se vajzën e kërcënonin që të mos tregonte. Sipas saj, e mitura i kishte thënë disa herë se do të vriste veten. Ndërsa nëna e 26-vjeçarit deklaroi se 16-vjeçarja ka i ka shkruar vetë djalit të saj dhe nuk është e vërtetë që e shfrytëzonte për prostitucion. Gjithashtu ka folur edhe vëllai i 41-vjeçarit, Selam Hykës i cili thotë se ajo ju shkruante vetë, ju çonte foto dhe ju thoshte hajdeni me 30 mijë lekë.