Vrasësi i studentes shqiptare, Mark Samson që në filliet e hetimeve të kryera ndaj ngjarjes ëhstë përpjekur që të devijojë hetuesit nga detajet që mund të çonin në zbardhjen e plotë të tragjedisë.
Autori i ngjarjes, duke u shtirur si Ilaria, nëpërmjet disa mesazheve bëri që familjarët dhe miqtë e saj të besonin se ishte gjallë, ndonëse kishte kryer krimin e rëndë.
Së fundmi mediat italiane kanë zbardhur një mesazh që Marc Samson i ka dërguar babait të shqiptares, duke u shtirur si e bija e tij.
“Përshëndetje babi, kërkoj falje për shqetësimin. Jam mirë, jam me një djalë dhe një vajzë që takova në Tinder. Do të kthehem në Terni muajin tjetër ose muajin pas tij, të premtoj. Por të lutem mos u shqetëso. Të dua.”
Megjithatë, prindërit e saj kishin nisur të dyshonin, ashtu si edhe miqtë më të ngushtë të Ilarias. Babai I është përgjigjur: “Më telefono. Ilaria të lutem, doja vetëm të dëgjoja zërin tënd për një sekondë që të jemi vërtet të sigurt se je mirë”.
Pasi familjarët dhe shoqëria e saj nuk po merrnin më përgjigje, u ngritën dyshime mbi gjendjen e saj shëndetësore çka çoi dhe në nisjen e hetimeve.
LEXO EDHE:
Djali që ishte në njohje me Ilaria Sulën: U përfshiva në ngjarje