Detaje të reja janë zbardhur nga dosja e “21 Janarit”.
Avokati Idajet Beqiri, ka bërë një deklaratë të fortë, teksa tha se gjatë asaj dite mund të kishte viktima të tjera, përveç 4 protestuesve që mbetën të vrarë.
Sipas avokatit, edhe personat që mbetën të plagosur ishin shënjestruar për vrasje.
Madje rreziku ishte i madh që vetë policia t’i vriste. Beqiri se ai zoton si provë dëshminë e një mjeku, që i ka mjekuar ilegalisht për t’i mbrojtur.
“Më 21 janar do kryheshin edhe vrasje të tjera. U vranë 4 protestues, por dhjetëra të tjerë mbetën të plagosur. Ata u tentuan të vriteshin si gazetari Mahmutaj e të tjerë me radhë. Të plagosurit janë mjekuar ilegalisht atë ditë. Po të shkonin në polici do të vriteshin. Pardje më ka ardhur një provë tjetër nga një mjek. Ky doktor më thotë se ka mjekuar shumë persona që ishin të plagosur në mënyrë ilegale sepse, policia do i fuste në burg ose dhe mund t’i eliminonte. Ai ka prova për ta, i ka mbajtur shënim të gjitha rastet. Është gati të shkojë dhe të dëshmojë në SPAK, pasi po krijohet tashmë klima e duhur për t’i nxjerrë të gjitha të vërtetat e asaj ngjarjeje.” tha avokati në emisionin “Breaking”.
LEXO EDHE: