Prezantuesja e njohur shqiptare, Arbana Osmani, po kalon pushime të qeta e plot dashuri në bregdetin grek së bashku me bashkëshortin, regjisorin Eduard Grishaj, dhe fëmijët e tyre.
Në Instagram, Arbana ka ndarë një seri fotosh që reflektojnë harmoni dhe momente të veçanta familjare. Një nga imazhet që ka tërhequr më shumë vëmendje është ajo ku çifti shihet duke u puthur plot ndjenjë në një shezlong buzë detit, duke treguar edhe një herë lidhjen e fortë dhe romantike që i bashkon.
Në një tjetër fotografi, familja shfaqet në një varkë, të buzëqeshur dhe të relaksuar nën rrezet e diellit. Arbana dhe Eduardi kanë ndarë gjithashtu një selfie romantike pranë bregut, me perëndimin e diellit si sfond.
Moderatorja ka publikuar edhe një imazh të veçantë ku shfaqet e vetme me një fustan të bardhë plazhi dhe një kapelë elegante, duke reflektuar thjeshtësi dhe stil veror.
Pushimet e çiftit janë kthyer në një galeri momentesh të ëmbla, ku dashuria dhe familja janë në qendër.
