Policia ka arrestuar sot 32-vjeçarin që ditën e djeshme shkaktoi aksidentalisht vdekjen e një punëtori në një kantier ndërtimi në zonën Palasë–Dhërmi. I riu akuzohet për veprat penale “Drejtimi i automjeteve në mënyrë të parregullt” dhe “Shkelja e rregullave të mbrojtjes në punë”.
Sipas njoftimit zyrtar, specialistët për Hetimin e Krimeve në Komisariatin e Policisë Himarë vunë në pranga shtetasin E. P., 32 vjeç, banues në Vlorë, i cili dyshohet se gjatë një manovre të gabuar me mjetin eskavator ka goditur aksidentalisht punëtorin K. H., 45 vjeç, banues në Gjirokastër.
Si pasojë e plagëve të marra, 45-vjeçari ka humbur jetën në vend. Materialet procedurale i janë referuar Prokurorisë për veprime të mëtejshme