Ditën e sotme në takimin e reailzuar me homoogët në Spanjë kryeministri Edi Rama u pyet nëse po dështon marrëveshja me Italinë për emigrantët.
Për rrjehdojë kreu i qeverisë u përgjigj duke thënë se për këtë duhet të pyetet Meloni.
Sipas kryeministrit Rama roli i Shqipërisë në këtë marrëveshje është shumë i thjeshtë dhe i qartë. Rama më tej thekson “se i është kërkuar nga Italia për ta ndihmuar”.
Kreu i qeverisë u shpreh se çdo gjë që ndodh në lidhje me këtë marrëveshje duhet pyetur pala italiane, pasi është një operacion 100% nën vëzhgimin italian.
Ndërsa i pyetur nëse mund të bëhet e njëjta marrëveshje edhe me Spanjën, pasi Shqipëria të bëhet anetare e BE, Rama u përgjigj: “Nuk jam i sigurt që do të kishte shumë kuptim sepse lidhet shumë me gjeografinë”.
Pyetje: Ju nuk mendoni të keni një marrëveshje të tillë me Spanjën kur Shqipëria të jetë në BE?
Rama: Nuk jam i sigurt që do të kishte shumë kuptim sepse lidhet shumë me gjeografinë. Ne jemi të bashkuar nga deti me Italinë. E vetmja gjë që e bën këtë marrëveshje të arsyeshme është se emigrantët nuk ndalojnë në Itali sepse po të ndalojnë në Itali hyjnë në territorin e BE dhe vihen në lëvizje procedura të tërë. Ata ndalojnë në Shqipëri. Sa bëshme do të ishte për Spanjën që të ndalonin në Shqipëri.